Дека ова нема да биде обичен меч беше најавено уште по 30 секунди игра кога Маркус Турам постигна гол со пета за водство на Интер од 1-0.
20 минути подоцна веќе беше 2-0 за Интер, и овој гол беше прекрасен, а го постигна Думфрис.
Барса брзо се врати во игра, во 24. минута се случи магија на Ламин Јамал кој постигна луд гол за намалување на водството на Интер.
До крајот на мечот Јамал двапати ја погаѓаше и пречката, младото момче на Барса изгледаше чудесно.
Во 38. минута одлична акција на Барселона, Рафиња со глава асистираше до Торес кој погоди за израмнување на 2-2. Тоа беше резултатот од првото полувреме.
Во 64. минута нов гол на Думфрис, овојпат реализираше со глава за ново водство на Интер.
Веќе во следната минута Рафиња упати бомба од далечина, топката удри во пречката, па во главата на Зомер и влезе во голот на Интер за конечни 3-3.
До крајот на мечот Интер се израдува на уште еден гол, но мал дел од копачката на Мхитарјан се наоѓаше во офсајд, па погодокот беше поништен.
Патникот во финалето ќе се решава за шест дена во Милано.
