Венко Крстевски кој како градоначалник на Кочани е на работна турнеја во Хрватска, го посети и фудбалскиот клуб Хајдук каде се сретнал со претседателот на сплитскиот клуб, Иван Вилиќ.
„Со гордост ви соопштувам дека по средбата со претседателот на Хајдук Сплит, Иван Билиќ, се договоривме за пријателски натпревар меѓу Осогово и Хајдук во август 2026 година на нашиот „Никола Мантов“. Во знак на спортско пријателство со претседателот на Хајдук разменивме дресови на двата клуба“, објави Крстевски на социјалните мрежи.
Датумот на натпреварот дополнително ќе биде одреден.
