„Граѓаните“ покажаа дека се во одлична форма, вечерва доминантно со 3-0 ја добија пресметката против „црвените“.
Халанд погреши од белата точка во 13. минута, но со голема доза на среќа го отвори резултатот по половина час игра и ја затресе мрежата на Мамардашвили за 1-0.
Ван Дајк изедначи на 1-1 во 38. минута, но радоста кратко траеше, голот беше поништен поради офсајд на Робертсон, судиите сметаа дека левиот бек му го попречил видното поле на Донарума.
Холанѓанецот потоа немаше среќа и на спротивната страна, во 48. минута во обид да блокира еден удар на Нико Гонзалес, само го смени правецот на топката и го измами Мамардашвили за 2-0.
Конечните 3-0 беа дело на Доку во 63. минута, кој веројатно беше и најдобриот поединец на теренот и правеше огромни проблеми со своите продори.
Па Манчестер Сити сега е втор со -4 во однос на лидерот Арсенал, додека пак Ливерпул е осми со 8 бода негатива.
ФОТО: X/Manchester City
