Кратовчани не дозволија уште еден второлигаш да се пласира во полуфиналето откако вчера тоа го направија Охрид и Шкендија Арачиново.
Силекс беше подобар противник и заслужено дојде до убедлива победа.
Резултатот го отвори Додев кој постигна гол во 30. минута за водство на Силекс од 1-0. СО тој резултат се замина на одморот.
Ангелески во 63. минута ја дуплираше предноста на Силекс, а седум минути подоцна Мигуел Пиреш ги постави конечните 3-0.
Во полуфиналето Силекс ќе игра против Охрид кој синоќа го исфрли Вардар.
