Нема непоразни, а најмногу бодови собра Штуп УГД кој зимата ќе ја мине како лидер. Втора е Струмица која на Штип му го нанесе единствениот пораз досега.
Покрај овие два клуба, во плеј-офот ќе играат уште и Работнички, Борец, Универзитет Тетови и Сушево.
Во плеј-аут фазата ќе разигруваат Лирија, Шкендија, Македонија Џио, Весна Пробиштип, Јанта Волеј и Скопје.
Според пропозициите по завршувањето на првиот дел од сезоната (лига-фазата) првите шест пласирани екипи играат во плеј-оф пренесувајќи ги бодовите од првиот дел. Се игра двокружно „секој со секого“ и потоа првите четири екипи обезбедуваат пласман во полуфиналето на плеј-офот и ќе разигруваат за битка за шампионската титула.
Екипите кои во есенскиот дел ќе се пласираат од 7. до 12. место ќе ги пренесат бодовите од првиот дел и ќе разигруваат во плеј-аут фазата. Ќе се натпреваруваат двокружно (дома-гости), а по завршувањето на натпреварите се добива конечниот пласман во првенството.
Вториот дел од првенството за мажите стартува на 24 јануари 2026 година.
