Тетовци до трите бода стигнаа благодарение на Бесарт Ибраими, кој го постигна единствениот гол на средбата во 18. минута. Искусниот напаѓач од околу 20 метри испрати прецизен удар и го совлада голманот Ислами.
Домашниот тим имаше поголема контрола во текот на натпреварот и создаде уште неколку обиди. Арсими во текот на средбата не создаде посериозна шанса за израмнување.
Со оваа победа Шкендија останува во трката за врвот и има три бода помалку од лидерот Вардар. Арсими останува на осмото место со 26 бода.
