Тренерот Славиша Димитриевски ја има целосната доверба во Шехтанска, која игра на позицијата среден бек. Таа е висока 173 см и располага со исклучително силен шут и одлична контрола и преглед на играта. Оваа година супер лигата особено во плеј офот е со силни екипи кои имаат и квалитетни странци, па настапите против искусните ракометарки се добредојдени за стекнување искуство.
Ангела е одличен ученик во средното училиште „Раде Јовчевски Корчагин“ во Скопје, а својата упорност и дисциплина секојдневно ја покажува со редовно присуство на тренинзите во Куманово. Македонскиот ракомет добива уште еден млад играч кој својот потенцијал го покажува во најсилната супер лига промовирајќи се како еден од носителите на играта на силниот состав на Куманово каде играат и квалитетни играчи од странство.
Желбата на Ангела е настап во дресот на репрезентацијата на Македонија на претстојното Светско младинско првенство до 19 години во Црна Гора, каде треба да го покаже својот голем ракометен потенцијал.
