Популарниот „Мартинатор“ доживеа голем пех на подготовките за новата сезона, имаше страшен пад во Сепанг кога „летна“ преку моторот и со глава удри во асфалтот.
Потоа следуваа нови проблеми, непосредно пред првата трка, падна и се повреди на еден картинг настан во Љеида.
Актуелниот шампион конечно се врати на патеката изминатиов викенд во Катар, но малерите продолжија и тој веднаш заврши во болница.
На опашката од колоната, Хорхе Мартин се бореше со Фаби Ди Џанантонио за 17. место кога загуби контрола над својот мотор и заврши на асфалтот.
Just pure heartbreak 💔Grand Prix over for @88jorgemartin #QatarGP 🇶🇦 pic.twitter.com/317FMvVAfD
— MotoGP™🏁 (@MotoGP) April 13, 2025
Првичните прегледи открија пневмоторакс (влегол воздух помеѓу белите дробови и ѕидот на градниот кош) па докторите морале да извршат дренажа на градниот кош.
Во прв момент беше објавено дека Хорхе Мартин скршил 6 ребра, но утрово беше обелоденето дека возачот на Априлија скршил дури 11 ребра и ќе мора да биде задржан во болница.
Позитивна работа е тоа што нема повреда на мозокот, рбетот и органите во абдоменот.
