Мароко кој во текот на првенството беше јасно фаворизиран од судиите, не успеа да го добие финалето регуларно, па поднесе жалба по хаотичниот натпревар.
Жалбата сега им е прифатена и тие се прогласени за шампиони. На Сенегал му е одземен трофејот.
„Сенегалската фудбалска федерација ја осудува неправедната, невидена и бесмислена одлука со која се поништува сенегалскиот фудбал. За да ги одбрани своите права и интереси на сенегалскиот фудбал, Федерацијата што е можно поскоро ќе покрене постапка пред Судот за спортска арбитража во Лозана. Фудбалската федерација на Сенегал ја потврдува својата непоколеблива посветеност на вредностите на интегритетот и спортската правда и ќе ја информира јавноста за сите случувања во врска со ова прашање“, пишува во соопштението на Сенегалците.
