Во НБА е сезона на шпекулации, иднината на многу играчи виси во воздух, па и секој најмал сигнал лесно станува вистинска „бомба“.
Понекогаш е доволно само една фотографија и една реченица за да се покрене вистинска бура.
Токму тоа го стори влијателниот Мишко Ражнатовиќ, агент на Никола Јокиќ и многу светски и евролигашки ѕвезди.
Тој на социјалните мрежи објави фотографија како ужива на јахта во Сент Тропе, а друштво му прави Леброн Џејмс и неговиот бизнис партнер Маверик Картер.
„Летото 2025 е совршено време за да се направат големи планови за есента 2026!“ – гласеше пораката која само дополнително ги распали гласините.
View this post on Instagram
Аналитичарите веќе се обидуваат да го дешифрираат значењето на оваа средба и порака, една теорија е дека се ковал план за преселба на Никола Јокиќ во ЛА Лејкерс и креирање на страшно трио со Леброн Џејмс и Лука Дончиќ.
Друга теорија е обратен трансфер, односно Леброн џејмс да заврши во Денвер по истекот на актуелниот договор со ЛА Лејкерс. Ова не е прв пат „нагетс“ да се обидат да го ангажираат „кралот“, не успеаја во намерата во 2018 година.
Третата теорија е за бизнис соработка помеѓу двете страни, бизнис партнерот на Леброн Џејмс, Маверик Картер работи на амбициозен план за лансирање на нова меѓународна лига вредна 5 милијарди долари.
Мишко Ражнатовиќ, кој застапува речиси половина од играчите во Евролигата, би бил идеален партнер за овој проект.
