Докторот Сашко Кедев, кој има огромна пасија кон алпинизмот, утрово во 10:44 часот го освои Гашербрум I во Пакистан, врв висок 8.080 метри.
Со ова тој направи голем подвиг и стана првиот Македонец кој ги има искачено сите 14 врвови во светот високи над 8.000 метри.
За ова на Сашо Кедев му требаа околу четири години, спискот на неговите освоени врвови изгледа вака: Монт Еверест, К2, Канченџунга, Лоце, Макалу, Чо Оју, Даулагири, Манаслу, Нанга Парбат, Анапурна, Шишапангма, Брод Пик, Гашербрум II и најновиот Гашербрум I.
Дел од денешната експедиција биле и Ванг Жонг од Кина и шерпасите Дава Гјалје и Нгима Нуру од Непал.
