Џејдон Санчо нема иднина во Манчестер јунајтед, тој е еден од петмината фудбалери кои се шкртнати од тренерот Рубен Аморим и им е забранет пристапот до првиот тим.
Јувентус пројавува интерес за неговите услуги, но преговорите за трансфер во Торино бележат слаб прогрес.
Последните информации велат дека Џејдон Санчо е подготвен да направи големо финансиско жртвување за да се врати во Борусија Дортмунд.
Како што пренесува Билд, Англичанецот се откажува од половина плата за повторно да игра о единствениот клуб каде што бил среќен.
Останува да се види дали популарните „милионери“ ќе можат да пронајдат заеднички јазик со Манчестер јунајтед за условите под кои ќе се реализира зделката.
ФОТО: X/Manchester United
