Чаби Алонсо немаше идеален старт на клупата на Реал Мадрид откако одигра само 1-1 против Ал Хилал.
Реал поведе со гол на Гарсија во 34. минута, но само седум минути подоцна Невес од пенал го изедначи резултатот на 1-1.
Манчестер Сити со голови на Фоден и Доку во првото полувреме дојде до триумф над Видад од Мароко.
Јувентус одигра одличен натпревар и постигна пет гола против Ал-Аин. Во првиот дел го решија мечот кога дадоа четири голови, а во второто полувреме ја тргнаа педалата од гас и дадоа само уште еден погодок.
По два гола дадоа Коло Муани и Консеисао, а еднаш погоди Јилдиз.
Салцбург со гол на Глоук во финишот од првото полувреме поведе против Пачука.
Мексиканците по десет минути игра во вториот дел израмнија на 1-1 против Гонзалез, но на 15 минути до крајот Онисиво даде гол за победа на Салцбург од 2-1.
Со овие натпревари беше комплетирано првото коло од групната фаза на Светското клупско првенство.
Фото: X/JuventusFC
