Во пресрет на првиот натпревар своите очекувања ги сподели еден од дебитантите во тимот Самоил Ристевски.
„Целта е секогаш да бидеме на високо ниво и секоја година да бидеме дел од големите натпреварувања. Во Данска играат најдобрите ракометари на светот. Имаат малку слаби страни, повеќето им се добри. Се подготвуваме и анализираме да ги искористиме нивните послаби страни. На Европско првенство нема што, на сите натпревари одиме по добар резултат“, изјави Ристевски.
Македонија освен против Данска, во борбата за втората фаза ќе се судри со Португалија и Романија.
