Шпанскиот стратег, кој летово го презеде тимот, веднаш побарал во тренинг-процесот да се интегрира системот „ТермоХјуман“. Оваа алатка со помош на термални камери и специјален софтвер открива промени во температурата на телото кои можат да укажат на ризик од повреда. Играчите се снимаат со специјална камера, а алгоритмот ги анализира снимките и ги споредува со голема база на податоци за да се откријат можни дисбаланси или преоптоварувања.
Алонсо веќе има искуство со оваа технологија од времето во Баер Леверкузен, а неа ја користат и клубови како Астон Вила и Ница. Од Реал објаснуваат дека „ТермоХјуман“ не е медицинска дијагностичка алатка, но дава вредни информации кои помагаат во превенцијата на повреди.
Минатата сезона Реал имаше сериозни проблеми со повреди и тоа беа вкупно 51, од кои 37 мускулни. Алонсо верува дека со правилна комбинација на технологија и стручна анализа, оваа бројка може значително да се намали.
