Со вчерашниот меч почна ерата на Кристијан Киву на клупата на Интер, но првиот резултат не беше таков каков што посакува.
Нероазурите се сретнаа со Монтереј во првото коло и важеа за сериозен фаворит, но не успеаа да победат.
Резултатот го отвори Серхио Рамос во 25. минута кога погоди со глава за водство на Монтереј од 1-0.
На три минути пред крајот на првиот дел Лаутаро Мартинез даде гол за израмнување на 1-1, што беше и конечен резултат.
Во вториот дел Интер се обидуваше да направи комплетен пресврт, но не успеа.
Ноќеска се одигра уште еден меч, јужноафриканскиот тим Мамелоди со 1-0 беше подобар од Улсан од Јужна Кореја.
Единствениот погодок беше дело на Рајнерс во 36. минута од натпреварот.
Денот почна со ремито меѓу Флуминенсе и Борусија Дортмунд кое заврши без голови.
Потоа Ривер Плата со 3-1 ја победи Урава. Головите за аргентинскиот тим ги постигнаа Колидио, Дриуси и Меза, а за Јапонците погоди Матсуо од пенал.
Фото: X/Rayados
