На трибините во Германија пред стартот на средбата одеднаш сите занемеа, запре најавата на натпреварот и навивањето на навивачите. Причината беше тоа што на еден навивач му се слоши, а потоа тој трагично почина на трибината.
Лекарските екипи се обидоа да го реанимираат германскиот навивач, меѓутоа безуспешно.
По натпреварот и директорот на Флензбург, Холгер Гландорф ја потврди оваа информација и изрази сочувство за семејството.
„За жал, сите мерки кои ги презедоа лекарите беа неуспешни. Нашите мисли се со семејството и пријателите на починатиот навивач. Ракометот е ставен во втор план“, прокоментира Гландорф.
Победата на Флензбург на крајот има горчлив вкус поради трагедијата на трибините.
