Ниту еден од Суперлигашите од оваа сезона нема да ја напушти лигата, а наместо две во неа ќе влезат четири екипи од Првата лига со тоа ќе се комплетира бројката од 16 екипи.
Сменет е и системот на натпреварување. Во првата есенска фаза екипите ќе бидат поделени во две групи од по осум тимови.
По завршувањето на таа фаза, најдобрите четири екипи од двете групи ќе се пласираат во плеј-оф, а останатите ќе играат во плеј-аут. Повторно ќе се пренесуваат бодови, првиот – три, вториот – два, третиот еден, четвртиот – нула.
Плеј-офот и плеј-аутот ќе се играат како и сега, секој со секого по двапати, тоа значи дека ќе има по 14 кола. Првопласираниот во плеј-офот ќе биде шампион, а во плеј-аутот првите пет екипи ќе обезбедат опстанок. Шестиот ќе игра бараж со третиот од Првата лига, а седмиот и осмиот ќе испаднат.
