Ракометната јавност остана да чека на вест дали Балиќ ќе може да ги предводи Хрватите, откако се појави информацијата за повреда на слабините, која многу лесно може да го одвои од ракометните терени. Балиќ и пред две години имаше исто така проблеми со повредата, но играше на ЕП, а речиси сигурно ќе настапи и во Вршац.
„Стисни заби и играј. Плачи кога ќе дојдеш дома“ е мотото на Балиќ, кое го објавија хрватските медиуми и со веста за настапот на ЕП ја вратија насмевката кај навивачите.
Хрватска останува еден од фаворитите за медал, заедно со доминантната ракометна велесила Франција и со Данска, која на СП лани стигна до финалето.
