Заедно со Ристовски гости на тренингот беа и првиот човек на федерацијата Александар Стефанов, како и генералниот секретар Влатко Тасевски. Тие ја укажаа поддршката за ракометарите, а најавија и награда/премија за успех.
За секоја победа на континенталниот собир македонските ракометари ќе поделат по два милиони денари. Иста е премијата и за пласман во втората фаза од натпреварувањето.
Македонија ќе се натпреварува во група со Данска, Португалија и Романија во Хернинг.
В среда репрезентацијата патува во Швајцарија за каде се закажани три пријателски натпревари во рамките на „Жолтиот куп“.
