Првиот човек на федерацијата порача дека репрезентацијата не се мери само преку резултатите, туку и преку чувството на припадност и гордост, потенцирајќи дека поддршката мора да постои и во тешките моменти.
„Едно поглавје останува зад нас, сега сме пред нов предизвик. Македонската репрезентација не е само резултат. Тоа е чувство, припадност и гордост. Затоа, кога победуваме, да останеме приземни, а кога губиме, да останеме силни. Вредноста на оваа репрезентација не смее да зависи од еден резултат. Ова е наше. И кога победуваме и кога губиме. Поддршката не е аплауз само за победа, туку карактер во пораз. Ние, како федерација создаваме услови во кои селекторот и фудбалерите имаат фокус да работат. Ќе направиме сè што треба, за тие да мислат само на играта, а ние на нив. Останува најважното, да бидеме заедно. Затоа што ова не е само тим. Ова сме ние“, напиша Омерагиќ.
Македонија зад себе има период на континуиран напредок, со настап на Европското првенство и два последователни баражи за Мундијал, а следниот предизвик ќе биде новиот циклус во Б сегментот од Лига на нации.
