Вардар информираше дека Лазаревски направил операција за да ја санира повредата на десното рамо.
„Милан Лазаревски, искусниот пивотмен на Вардар 1961 и македонската репрезентација, ќе се повлече од терените поради успешна операција на десното рамо извршена во Загреб од страна на д-р Никола Чичак. Предвиденото отсуство е три месеци.
Лазаревски имаше проблеми со рамото, и беше решено во најбрз рок да се изврши операција за потоа да биде подготвен за она што следува во првенството“, стои во соопштението на РК Вардар.
