Во ноември минатата година, Кадилак начелно постигна договор за влез во „најбрзиот циркус“, а откако беше завршена целата процедура, ФИА и Формула 1 сега потврдија дека во 2026 година ќе има 11 тимови.
Кадилак во првите години ќе користи мотори на Ферари, целта на Џенерал Моторс е до крајот на оваа деценија да може да развие сопствена погонска единица со која ќе им парира на ривалите.
„Како што кажавме во ноември, посветеноста на Џенерал Моторс да го донесе Кадилак во Формула 1 е важен и позитивен показател за еволуцијата на нашиот спорт. Со нетрпение чекам да му посакам добредојде на новиот тим на гридот во 2026 и да бидеме сведоци на уште една возбудлива година во Формула 1“ – рече претседателот на Формула 1, Стефано Доменикали.
