Минатата година започна нова ера кога е во прашање „Златната копачка“, помеѓу финалистите ги немаше Кристијано Роналдо и Лео Меси, две имиња кои долго време доминираа во светот на фудбалот.
Родри од Манчестер Сити на големо изненадување беше прогласен за фудбалер на годината, а неизвесно ќе биде и оваа година.
„Франс фудбал“ попладнево ја објави листата со 30 фудбалери и во моментов две имиња се одвојуваат како фаворити – Осман Дембеле од ПСЖ и Ламин Јамал од Барселона.
Французинот постигна 35 погодоци и подели 16 асистенции на 53 натпревари во дресот на „светците“, а освои трофеј во Лига 1, Купот на Франција, Лигата на шампиони како и Суперкупот на Франција. Исто така стигна и до финале на Светското клупско првенство.
Што се однесува до Шпанецот, тој сезоната ја заврши со титула во Ла Лига, Копа дел Реј и Суперкупот на Шпанија. Играше и полуфинале во Лигата на шампиони како и финале во Лигата на нации. Во дресот на Барса постигна 18 погодоци и 25 асистенции на 55 натпревари.
Here are the 2025 Ballon d’Or nominees!#ballondor pic.twitter.com/tehmbU4R0j
— Ballon d’Or (@ballondor) August 7, 2025
ФОТО: fb/France Football
