Овогодишниот спектакл ќе се одржи на 15 февруари во Лос Анџелес, во „Интуит Доум“, новата арена на ЛА Клиперс.
За Источната конференција како стартери ќе настапат: Јанис Адетокумбо, Џејлен Брансон, Кејд Канингем, Тајрис Макси и Џејлен Браун. За Канингем, Макси и Браун ова ќе биде прв настап во стартната петорка на еден олстар натпревар.
Што се однесува до Западот, стартери ќе бидат Никола Јокиќ, Лука Дончиќ, Шеј Гилџес-Александер, Стеф Кари и Виктор Вембањама, кој за првпат е избран меѓу стартните пет. Францускиот кошаркар успеа да ја добие битката со Ентони Едвардс од Минесота.
Леброн Џејмс за првпат по 20 годии нема да го започне олстар натпреварот, а останува да се види дали ќе биде избран помеѓу резервите. Треба да се каже и дека настапот на Јокиќ е под знак прашалник поради повреда.
