Стружани влегоа во натпреварот како фаворити, но уште еднаш не успеаја да ја оправдаат таа улога. По поразите од Шкендија и Силекс, актуелниот шампион остана без триумф и на третиот меч во пролетниот дел од сезоната.
Гостите поведоа по околу триесет минути игра преку Арби Воша и со минимална предност заминаа на пауза. Сепак, Пелистер покажа карактер во продолжението. Битолчани ја презедоа иницијативата, создаваа притисок пред противничкиот гол и на дваесетина минути пред крајот Булатовиќ го пронајде патот до мрежата за 1-1 и заслужена радост на трибините.
Вардар профитира од овој резултат, бидејќи сега има предност од девет бода во однос на Струга на врвот на табелата.
