Домаќините подобро го отворија натпреварот и создадоа неколку изгледни шанси, но не успеаја да ја материјализираат иницијативата. Казната стигна во 37. минута кога Стефан Спировски искористи грешка во одбраната на Шкендија и донесе водство од 0-1 за битолчани.
Шкендија сепак успеа да се врати во игра пред паузата, откако Ибраими погоди за израмнување на 1-1 во самиот финиш од првото полувреме.
Во вториот дел тетовци продолжија со притисокот и ја контролираа играта, но реализацијата повторно изостана. Пелистер трпеливо чекаше своја шанса и ја дочека во завршницата, кога Вилдан Керим ги казни промашувањата на домаќините и донесе голема победа од 1-2.
На овој исход се радуваат и во Вардар кој е во трка со Шкендија за шампионската титула.
