Новиот претседател на ФФМ, Масер Омерагиќ рече дека еден од приоритетите му е враќање на фудбалските легенди во фудбалската федерација. Неколку од нив добија функции во новата постава.
Македонската фудбалска икона, Горан Пандев е назначен за спортски директор на македонските репрезентативни селекции.
Илија Најдоски заедно со нашиот поранешен репрезентативец, Агим Ибраими се назначени за советници во кабинетот на претседателот на ФФМ, Масар Омерагиќ.
На предлог на претседателот на ФФМ, Масар Омерагиќ за нов потпретседател е избран Марјан Стојкоски од ОФС Прилеп, тој доаѓа на местото на Лазар Ракиџиев кој досега ја извршуваше оваа функција.
За в.д. генерален секретар на ФФМ е назначен Дрилог Ганиу, тој доаѓа на местото на Наталиа Илиевска Божиновска.
