Уште вчера беше познато дека Алегри ќе биде нов тренер на Милан, а клубот денеска ги потврди таквите информации.
„Милан со задоволство објавува дека Масимилијано Алегри е именуван за тренер на машкиот прв тим. Клубот му посакува топло добредојде на Масимилијано и успех во новата авантура,“ се наведува во објавата.
Алегри се враќа на „Сан Сиро“ по една деценија, во клубот со кој ја освои титулата во Серија А во 2011 година. По заминувањето од Милан, имаше успешен период со Јувентус, каде што освои пет шампионски титули по ред и играше финале во Лигата на шампионите.
