„Каталонците“ денеска сепак излегоа на терен и ги одмерија силите против Висел Кобе и покрај тоа што малку фалеше натпреварот да не се одигра откако Барселона не ги доби парите од промоторот.
Момците на Ханси Флик без поголеми проблеми славеа со 1-3 за победнички почеток на подготовките за новата сезона.
Ерик Гарсија го донесе шампионот на Шпанија во водство од 0-1, но Висел Кобе во финишот на првиот дел изедначи преку Мијаширо.
Во продолжението од мечот, Барса настапи во целосно нов изглед, а засилувањето Руни Бардгџи се погрижи за водство од 1-2 во 77. минута.
Победата беше запечатена десет минути подоцна кога 17 годишниот Фернандез Дро со волеј од врвот на шеснаесетникот ја затресе мрежата за 1-3.
ФОТО: X/FC Barcelona
