Маџунков стави потпис на договор до крајот на сезоната.
Тој треба да биде засилување на Лувен за белгиското првенство каде во моментов се на втората позиција, но и за ЦЕВ Лигата на шампионите каде во групната фаза играат со италијански Лубе Цивитанова, Монпеље од Франција и полска ПГЕ Варшава.
Средниот блокер денеска ќе и се приклучи на екипата и ќе стартува со тренажен процес, додека дебито за ново-стариот клуб треба да го има престојниот викенд.
Маџунков покрај дресот на Струмица на домашна сцена бил играч и на Вардар, додека интернационалната кариера ја гради со настапи во националните првенства на Црна Гора, Италија, Германија, Хрватска, Полска и сега повторно Белгија.
