петок, 4 април 2025

Нотингем форест го победи Јунајтед, Сака се врати со гол во Арсенал (ВИДЕО)

Нотингем форест со 1-0 го победи Манчестер јунајтед и направи крупен чекор кон пласман на местата кои водат во Лигата на шампионите.

Објавено на

часот

Сподели

Хитот на сезоната во Премиерлигата не престанува да импресионира, така беше и вечерва против Манчестер јунајтед.

Единствениот гол на мечот беше постигнат уште во 5. минута кога Еланга претрча повеќе од половина терен и ја затресе мрежата на својот поранешен противник.

Со оваа победа Нотингем форест се зацврсти на третата позиција со осум бода повеќе од Челси и девет од Манчестер Сити кои имаат и натпревар помалку.

По подолго отсуство поради повреда, Букајо Сака се врати на теренот и тоа со погодок во меч во кој Арсенал го победи Фулам со 2-1.

Натпреварот не почна најдобро за Арсенал, Габриел се повреди и уште во 16. минута мораше да биде заменет со Кивиор.

Во 37. минута Мерино добро се снајде и со мала доза на среќа постигна гол за водство на Арсенал од 1-0.

Сака влезе од клупата за резерви во 66. минута и само седум минути подоцна постигна гол за 2-0.

Во судиското продолжение Фулам успеа само да постигне почесен гол преку Родриго Муниз.

Во овој термин се одигра и дуелот меѓу Вулвс и Вест Хем кој го добија домаќините со 1-0.

 

ТОП ВЕСТИ

ПОСЛЕДНИ ВЕСТИ