Македонскиот репрезентативец Андреј Јакимовски и неговите соиграчи на крајот службено го добија натпреварот (0-20), откако водеа со 11-26 по четири минути и 11 секунди, а тогаш беше свирнат крај. Причината за прекинот беше бизарна.
Екипата на Трапани броеше само седум кошаркари, од кои едниот се жалеше на болест на клупата, а останатите од првата секунда правеа фаули за да добијат исклучување. Тоа се случи по четири минути, па судиите немаа избор и го завршија натпреварот.
Причината за такво нешто се финансиските проблеми на Трапани, меѓутоа и со таквиот потег со сигурност ќе навлечат високи казни.
Јакимовски собра најмногу поени, бидејќи по четири минути имаше 12.
