Легендите на Челси и Ливерпул вчера одиграа хуманитарен натпревар во Лондон, а дуелот покажа дека некои работи не се менуваат.
Диего Коста и Мартин Шкртел пред десет години имаа жестоки битки, а така беше и сега.
Се започна кога поранешниот дефанзивец на Ливерпул со некомпромисен старт одзеде една топка и го собори Диего Коста, кој веднаш реагираше и го удри противникот.
Бразилецот потоа наплати и со камата, и од зад грб убаво му влезе на Мартин Шкртел, па двајцата се внесоа во лице како пред една деценија. Соиграчите брзо притрчаа, а реагираше и судијата, кој му покажа жолт картон на Диего Коста.
Diego Costa x Martin Skrtel 🤣🤣pic.twitter.com/u275LOFKCu
— Curiosidades PL (@CuriosidadesPRL) October 11, 2025
