Саудиска Арабија продолжува да се расфрла со пари за да привлече што е можно поголем број на квалитетни фудбалери, последната аквизиција е Матео Ретеги.
Аргентинецот, кој реши да ги брани боите на Италија, минатата сезона беше најдобар стрелец во Калчото со 25 погодоци, го привлече вниманието на многу клубови, но најдобрата понуда пристигна од Ал Кадсија.
Аталанта и Ал Кадсија синоќа си подале рака за трансфер вреден речиси 70 милиони евра, што ќе биде втората најскапа продажба во историјата на „црно-сините“ од Бергамо.
Што се однесува до платата на Матео Ретеги, напаѓачот ќе добие 20 милиони евра по сезона, што е шест пати повеќе од тоа што го заработува во моментов.
ФОТО: X/Atalanta B.C.
