петок, 4 април 2025

МЗТ лесно го победи Пелистер за пласман во финале од Купот на Македонија

Актуелниот освојувач на Купот на Македонија, тимот на МЗТ Скопје го победи Пелистер со 103-88 и се пласираше во финалето каде ќе го чека победникот од дуелот меѓу Кожув и Гостивар.

Објавено на

часот

Сподели

Пелистер имаше одличен почеток на натпреварот, поведе со 11-5, но потоа МЗТ врати со серија од 13-0 и го презема водството. На полувремето скопскиот тим водеше со убедливи 60-40.

Во вториот дел МЗТ Скопје рутински го држеше водството за на крајот да слави со 103-88.

Најефикасен на натпреварот беше Андреј Маслинко со 29 поени без промашување во ударите од поле, а Марин Петков додаде 14 поени кај аеродромци. Л. Стојановски заврши со 20 поени и беше најпрецизен во поразениот тим.

МЗТ Скопје во утрешното финале кое ќе почне од 19:30 часот ќе игра со победникот од дуелот меѓу Кожув и Гостивар.

ТОП ВЕСТИ

ПОСЛЕДНИ ВЕСТИ