„Со особена чест и гордост, МТЕЛ ја најавува продолжената соработка со Македонската кошаркарска федерација и останува генерален спонзор на Супер лига – мажи и во оваа сезона. Оваа одлука не е само формалност, туку потврда на нашата длабока верба дека спортот е темел на заедништвото, здрав дух и инспирација за новите генерации. Водени од највисоките светски стандарди за општествена одговорност и од вредностите вградени во корпоративниот дух на Телеком Србија Групацијата, МТЕЛ останува цврсто посветен да биде двигател и поддржувач на хуманитарни, спортски и општествени иницијативи кои носат вистинска промена.
За МТЕЛ, вложувањето во спортот не е само спонзорство – тоа е инвестиција во иднината на нашата заедница. Кошарката, како еден од највозбудливите и најпопуларните спортови во земјава, има моќ да инспирира, да обединува и да поттикнува личен и тимски развој. Токму затоа, со радост ја продолжуваме оваа приказна, верувајќи дека секој натпревар и секоја победа се и наши заеднички успеси“, изјавуваат од МТЕЛ.
Благодарност од Македонската кошаркарска федерација
„Кошаркарската федерација на Македонија ја изразува својата искрена благодарност кон МТЕЛ за довербата и континуираната поддршка – не само оваа година, туку и во минатото. Во време кога поддршката за спортот може да биде непостојана, особено значи кога имаме партнер кој верува во нашата мисија и останува со нас низ годините“ – изјавија од Кошаркарската Федерација
Покрај спортот, МТЕЛ останува посветен на поддршка на културни настани, образовни проекти и општествено одговорни иницијативи кои носат реални и позитивни промени. Нашата мисија е да бидеме активен партнер во изградбата на поубаво и посилно општество, преку секој проект, секоја идеја и секое вложување.
Гледајќи напред, веруваме дека најдобрите моменти допрва доаѓаат. Со нетрпение очекуваме уште повеќе заеднички проекти, исполнети спортски сали и публика која со страст и љубов ја бодри својата екипа.
