Србија е главен фаворит за златото на Евробаскетот и избраниците на Пешиќ уште на стартот покажаа зошто се претенденти за шампионскиот трофеј.
Вечерва нашиот северен сосед со моќна партија стигна до убедлива победа од 98-64 против Естонија.
Србија имаше +20 веќе на крајот од првата четвртина (32-12), а на пауза заминаа со предност од 56-29.
Во продолжението од мечот, предноста во неколку наврати одеше и на +40, за конечниот резултат да гласи 98-64.
Никола Јовиќ беше прв стрелец со 18 поени, од кои дури 12 даде во првата четвртина.
Никола Јокиќ мечот го заврши со дабл-дабл учинок од 11 поени и 10 скокови, му фалеа уште три асистенции за да стигне до трипл-дабл.
ФОТО: X/FIBA EuroBasket
