Милевски вчера го објави списокот на повикани фудбалери, а од денеска започнуваат подготовките за престојните дуели од квалификациите.
Ново име во репрезентацијата е Стефан Деспотовски од ОФК Београд. Поради повреди нема да настапат Никола Серафимов, Дарко Велковски и Лирим Ќамили.
Македонија ја пречекува Белгија на 6 јуни од 20:45 часот на Националната арена „Тодор Проески“ во Скопје. Три дена подоцна му гостуваме на Казахстан.
По првите две кола Македонија има собрано четири бода од победа над Лихтенштајн и реми со Велс.
