„Каталонците“ сосема очекувано стигнаа до трите бода против Хетафе, со доминантна партија славеа со 3-0.
Резултатот беше отворен по 15 минути игра, Рафиња одлично го уфрли Олмо, кој со пета атрактивно остави топка за Феран Торес да реализира за 1-0.
Истиот фудбалер погоди за 2-0 во 34. минута во мат во три потези и една брза контра во која Рафиња се уфрли на време и потоа несебично асистираше за нова радост.
Конечните 3-0 беа дело на Олмо во 62. минута, Шпанецот доби топка од Рашфорд на врвот на шеснаесетникот и без многу мака ја затресе мрежата.
Интересно, Маркус Рашфорд мечот го почна од клупата и покрај тоа што беше двоен стрелец против Њукасл во Лигата на шампиони.
Англичанецот утрово задоцнил на состанокот со тимот, Ханси Флик не му прости и го смести помеѓу резервите како казна.
