Денеска на програмата беше првото коло, а Македонија многу лесно стигна до победата.
Денот го започна Магдалена Стоилковска која за 40 минути ја совлада Дона ле Ру со 6-3 и 6-0.
Следуваше мечот на Ѓорческа со Мари Луис Ван Зил, македонската тенисерка победи со 6-2 и 6-1 за еден час игра.
Македонија со овие две победи го обезбеди триумфот против Јужна Африка, а дуелот во двојки ќе биде само формалност. Беа пријавени Стоилковска и Ѓорческа, но поради веќе обезбедената победа направена е промена, па за Македонија ќе играат Ана Митевска и Јана Божиновска.
На вториот меч од нашата група Норвешка со 2-0 го победи Косово, и во овој дуел допрва ќе се игра мечот во двојки.
Македонија утре игра против Норвешка.
