На денешните натпревари не настапи нашата најдобра тенисерка, Лина Ѓорческа која се повреди на дуелот против Египет.
Прва играше Ана Митевска која освои само два гејма против Нина Андроничу. Беше 6-2 и 6-0 за тенисерката од Кипар.
Втора на терените излезе Магдалена Стоилковска која ѝ пружи поголем отпор на својата противничка Дариа Фрајмен, но и таа го загуби мечот. Беше 6-4 и 6-3 за домашната тенисерка.
Останува да се одигра уште мечот во двојки, за Македонија ќе настапат Божиновска и Митевска, но тој натпревар ќе нема резултатско значење.
