Целта на Македонија е да дојде до второто место во групата кое води на континенталниот собир. За таа цел потребно е да ја победиме Литванија со три гола разлика бидејќи тие го добија првиот меч со 29-27.
Место на големиот турнир ќе има и за најдобрите четири третполасирани од осумте групи, но за да бидеме меѓу нив и во тој случај најверојатно ќе ни биде потребна победа.
„Литванија не е само кошаркарска земја, како што многумина мислат. Станува збор за сериозна ракометна селекција со искусен тренер, играчи со богато интернационално искуство и амбициозна федерација. Очекувам вистински ракометен спектакл,“ вели селекторот Кире Лазаров.
Македонија има проблеми со повредени ракометари, но против Естонија покажавме дека сме исклучително мотивирани, триумфот со 19 разлика над Естонците само ја зголеми самодовербата кај момците на Лазаров кои со поддршка од гледалиштето ќе се обидат да ја остварат целта.
