Азербејџан е најслабиот ривал со кој досега сме играле, па се освен убедлива победа ќе беше изненадување. Момците на Илиевски влегоа сериозно во натпреварот и дојдоа до сигурен триумф.
Македонија беше доминантна од првата до последната минута, овој натпревар беше добра увертира за дуелите кои следуваат.
Најдобар на теренот беше Андреј Јакимовски кој имаше дабл-дабл учинок, 25 поени и 11 скока, двоен учинок имаше и капитенот Војдан Стојановски со 16 поени и 11 скокови, Зеќири имаше 17 поени.
За Македонија на овој натпревар дебитираше Американецот Омари Мур кој постигна шест поени, имаше и шест скокови и девет асистенции.
Следниот предизвик за Македонија е веќе на 30. ноември кога во Даблин ѝ гостуваме на Ирска.
