Натпреварот во Хаселт мина во знакот на огромната борба, нашата селекција долго имаше предност и можеше до позитивен резултат, ама на крајот потфрли и загуби.
Од почетокот Македонија тргна добро и имаше предност, а на паузата водеше со 14-15. Во продолжението имавме предност во поголемиот дел, но кога беше најважно имаше грешки. Последен пат Македонија водеше со 23-24, па во финишот домаќинот казни.
Во драматичната завршница Белгијките имаа повеќе нерви и извојуваа голема победа. Македонија сега е во незавидна позиција и Европското првенство делува далечно.
Најдобар стрелец во македонскиот тим беше Јована Кипријановска со седум реализации, додека кај домаќинките се истакна Муниа Смитс со 11.
