Пред Алкалоид е сериозен предизвик, да се помине Рунар и да се пласира во европско финале. Задачата нема да биде лесна бидејќи норвешкиот куп елиминираше силни имиња како Целје, Олимпијакос и Бешикташ.
„Рунар игра динамично и брзо, со многу голови и без изразен лидер – секој нивни играч е закана по голот. Затоа е потребно да бидеме компактни и фокусирани на нашата игра. Како тренер би бил задоволен да имаме било каква позитива, макар и со еден гол, тоа би била наша значителна психолошка предност за реваншот. Колку и да победите на првиот дуел, морате да го одиграте и вториот меч на највисоко ниво за да стигнете до финале,“ вели Лазаров.
Атмосферата во Алкалоид е позитивна, тимот се подготвува на највисоко ниво. За жал Лазаров до крајот на сезоната нема да смета на својот најдобар ракометар, Марко Митев кој се рехабилитира по операција на лигаментите.