Александер Исак е трансфер бомбата ова лето, Швеѓанецот се пресели во Ливерпул во последниот ден од летниот преоден рок за 130 милиони фунти, нов рекорд за Премиерлигата.
Свое мислење за оваа зделка даде и Тони Крос, кој заедно со својот брат Феликс, имаат поткаст „Ајнфах мал Лупен“.
Германецот со краток коментар кажа дека не го оправдува ваквиот трансфер.
„Им верувам на нашите слушатели и мислам дека половина од нив никогаш не слушнале за него. Па вие сами проценете сега. Искрено“ – вели поранешниот фудбалер на Реал Мадрид.
Неговиот брат Феликс пак додаде дека некој можеби го знае Александер Исак од времето во Борусија Дортмунд
„Да, но не прикажа ништо посебно тогаш“ – продолжи Тони Крос. „Во секој случај, платени се многу пари“.
ФОТО: X/Liverpool FC
