Ливерпул ова лето инвестираше околу 300 милиони евра на засилувања, Кристал Палас потроши едвај 2,5 милиони евра, но и покрај тоа „орлите“ денеска го изненадија фаворитот и стигнаа до нов трофеј.
Момците на Слот одлично го отворија мечот, новите засилувања Вирц и Екитике добро комбинираа и Французинот од врвот на шеснаесетникот погоди за 0-1 веќе во 4. минута.
Кристал Палас одговори во 17. минута, Матета од пенал изедначи на 1-1. Но Ливерпул брзо се врати во ново водство, уште еден новајлија, Фримпонг се запиша во листата на стрелци за 1-2.
„Црвените“ потоа не успеаја да постигнат трет гол, и една изгубена топка на средината отвори контра за Кристал Палас а Сар одлично се снајде за 2-2 во 77. минута.
Па победникот мораше да биде решен на пенали, а таму Ливерпул целосно потфрли, промашија Салах, Мекалистер и Елиот. Езе и Соса исто така промашија за Кристал Палас, но Девени остани присебен во последниот пенал и донесе голема радост.
ФОТО: X/Crystal Palace F.C.
