Голден стејт ја пропушти првата „меч топка“ против Денвер кој успеа конечно да дојде до победа, пред се благодарение на одличната партија на Никола Јокиќ.
Српскиот кошаркар постигна 37 поени, имаше и осум скокови и шест асистенции. Најдобар кај Голден стејт беше Кари со 33 поени, Томпсон постигна 32. Интересно кај Кари е што промаши дури четири слободни фрлања, тоа за него е најмногу досега.
[video:https://www.youtube.com/watch?v=dSDDu09SIZo autoplay:0]
Чикаго е пред елиминација откако загуби по третпат од Милвоки, Бакс победија со 119-95 на гостински терен и поведоа со 3-1 во серијата.
Адетокумбо со 32 поени и 17 скокови беше најдобар на теренот, Ален постигна 27, а Холидеј 26. Кај Чикаго, ЛаВејн постигна 24, ДеРоузен 23.
[video:https://www.youtube.com/watch?v=_rOjHRsI5Xk autoplay:0]
Гостинска победа за 3-1 оствари и Мајами кај Атланта со 110-86. Батлер имаше одлична партија со 36 поени и 10 скокови, кај Атланта најдобар беше Хантер со 24 поени.
[video:https://www.youtube.com/watch?v=Y_NqO2GHoeM autoplay:0]
Њу Орлеанс изедначи против Феникс на 2-2 откако победи со 118-103. Инграм со 30 поени беше најефикасен, но подобар беше Валанчиунас со 26 поени и 15 скокови. Кај Феникс, Ајтон даде 23 поени.
[video:https://www.youtube.com/watch?v=47mXJH1rwp4 autoplay:0]
Резултати:
Чикаго – Милвоки 95:119 (1-3)
Денвер – Голден стејт 126:121 (1-3)
Атланта – Мајами 86:110 (1-3)
Њу Орлеанс – Феникс 118:103 (2-2)
