Елмас синоќа го даде својот прв гол оваа сезона откако со убав полуволеј ја затресе мрежата на Торино. Пофалби стигнуваат од сите страни, а најголеми се од Конте.
„Да не го заборавиме Свети Елмас бидејќи тој заслужува споменик. Тој разбира фудбал, инволвиран е во мечот, може да игра на многу позиции, игра како дефанзивен играч од средниот ред и како напаѓач во средниот ред, тој е неверојатен фудбалер. Стартуваше на 18 натпревари во низа, имаме среќа што го имаме“, рече Конте за Елмас.
Елиф му се заблагодари на Конте за убавите зборови и вели дека ужива да игра под негово водство.
„Многу сум среќен со голот, но пред се со победата која е многу важна за нас во поглед на местата кои водат во Лигата на шампионите“, рече Елмас по мечот.
„Му благодарам на Конте за комплиментите, го следам тренерот во секое тактичко решение и на било која позиција која треба да ја покријам, уживам во играњето на повеќе позиции и пред се сум среќен што можам да му помогнам на тимот“.
